Ամեն ինչ մի տեղում

Երևանի հիվանդանոցներից մեկում, երբ ամեն ինչ ձեռքի տակ է, էլ եկեղեցի, էլ սգո սրահ...

Բաղրամյան պողոտայում երկրորդ օրն առանց ջուր անցավ (ֆոտո, տեսանյութ)

Հունիսի 23-ի առավոտյան ցուցարարներին ցրելու փորձից հետո այս գիշեր շատ ավելի մարդ էր հավաքվել և համեմատաբար ավելի հանգիստ էր առանց ջրցան մեքենաների (ցուցարարների փրկարար օղակներն ու լողի գլխարկները իրոք կանխեցին:)):

Վայ, ԲԻԲԻՆ :)))

Բիբին- բոլոր հարցերի լուծում?

Բալես, տես, իրենք ոստիկան են

«Ապե, մի հատ բարձրացրու, ինձ էլ նկարեն» (մեջբերում)

Լրագրողները՝
ցուցարարների և ոստիկանների մեջտեղում

ոստիկան մը ռոմանտիկ 

նկարվում են նկարողները

Ազատ, անկախ Հայաստան, Ազատ, անկախ Հայաստան...

միջնամատը՝ ՀԷՑ-ի բողոքի ցույցի խորհրդանիշ

no comment

Մայրամուտից առաջ

Երևանյան երեկոներից մեկը, երբ արևն ինձ ստիպեց քայլել դեպի տուն...

Նոր տարին Երևանում

Նախ շատ հետաքրքիր է Հանրապետության հրապարակը, որտեղ շարունակում են լազերային շոուներ կազմակերպել Ազգային թանգարանի շենքին... փաթիլներն ամբողջությամբ պարուրել են շենքը, և թվում է՝ ուր որ է այնամբողջությամբ կպատվի ձյան աներևույթ սավանով...

Հյուսիսային պողոտայում տարբեր ընկերություններ ի ցույց են դրել իրենց ստեղծագործական մտքի թռիչքը տոնածառների տեսքով:)))

Ռետինե բարձակները կանգառներից հանել են տաքսիներին

Երևանի Տիգրան Մեծի փողոցի կանգառներում արդեն 10 օր է` հայտնվել են ռետինե բարձակներ: Դրանք տեղադրվել են հասարակական տրանսպորտի երթևեկությունը կարգավորելու համար: Սակայն մեքենաների մեծ քանակի պատճառով դրանք միշտ չէ, որ կատարում են իրենց դերը:

«Միկրոավտոբուսը կամ ավտոբուսը երբ սկզբում կանգնում է, ստիպված սպասում ենք. խցանումներն են շատանում: Իսկ երբ դրանց վրայով անցնում ենք, մեքենայի անվադողերը փչանում են»,- ասում է ավտոբուսի վարորդներից մեկը:

Ռետինե բարձակները հայտնվել են Երևանի քաղաքապետարանի տրանսպորտի վարչության նախաձեռնությամբ, որը հանձնարարական է ստացել բարեփոխել մայրաքաղաքի հասարակական տրանսպորտի աշխատանքը:

Երևանի քաղաքապետարանի տրանսպորտի վարչության պետ Հենրիկ Նավասարդյանի խոսքերով`Տիգրան Մեծի փողոցն ընտրվել է այն պատճառով, որ այստեղ կան ինչպես հեշտ, այնպես էլ բարդ կարգավորվող կանգառներ:

«Այրարատ» կինոթատրոնի հարակից տարածքում, որը համարվում է քաղաքի ամենաբարդ կարգավորվող հատվածը, տեղավորվել են իրար հաջորդող երկու կանգառ: Այստեղ տեղադրվելու են ցուցանակներ, որտեղ նշված կլինեն, թե որ երթուղու փոխադրամիջոցները որ կանգառում են կանգնելու:

«Կարելի է ասել` փորձը հաջողվել է, քանի որ կանգառագոտիներում այլևս չեն կանգնում ոչ հասարակական տրանսպորտի մեքենաներ, ինչպիսիք են տաքսիները»,- ասում է Հենրիկ Նավասարդյանը:

Ի դեպ, ոչ հասարակական տրանսպորտի մեքենաների համար կանգառներում կայանելու վարչական տուգանքը կազմում է 20.000 դրամ:

Հ. Նավասարդյանի խոսքերով` այժմ խախտումներ անողները հիմնականում հենց հասարակական տրանսպորտի վարորդներն են, որոնք անցնում են ռետինե հարթակների վրայով: Նման խախտման համար տուգանքը կազմում է 10.000 դրամ:

Կանգառագոտիներ ստեղծելը ամբողջ աշխարհում ընդունված է, սակայն այլ վայրերում դրանք առանձնացվում են բետոնե հարթակներով: «Մենք ընտրել ենք ռետինե բարձակները, քանի որ դրանք ավելի անվտանգ են և մատչելի»,- հայտնեց Տրանսպորտի վարչության պետը:

Ուղևորները և, ընդհանրապես, քաղաքացիները հիմնականում դրական են վերաբերվում այս «նորամուծությանը»:

«Շատ նորմալ է, մարդկանց ապահովության համար է արվում, որ վարորդը երկրորդ գիծ չկանգնի և ուղևոր վերցնի»,- ասում է անցորդներից մեկը:

Իսկ մեկ ուրիշն էլ նկատեց, որ մինչ այդ չէր նկատել բարձակները. «Այս ամենը մարդկանց անվտանգության համար է արվում: Թեև մարդիկ դեռ չեն պահպանում կանոնները, սակայն հուսով եմ` ժամանակի ընթացքում կընտելանան»:

2 ինֆո կենտրոն՝ ամբողջ Հայաստանում

Երևանի միակ ինֆորմացիոն կենտրոնը
տարվա սկզբից դադարեցրել է իր գործունեությունը

Հայաստանում այժմ լիարժեք գործում է ընդամենը 2 տուրիստական ինֆորմացիոն կենտրոն, մինչդեռ ՀՀ կառավարությունը առիթը բաց չի թողնում հայտարարելու, որ արվում է հնարավոր ամեն ինչ` զբոսաշրջությունը զարգացնելու համար:

Այդ երկու ինֆորմացիոն կենտրոնները գտնվում են Դիլիջանում և Գառնիում: Երևանի միակ ինֆորմացիոն կենտրոնն էլ այս տարվա սկզբից դադարեցրել է իր գործունեությունը:

«Ինֆորմացիոն կենտրոնի փակման պատճառներից մեկն էլ այն է, որ տարածքը վարձակալությամբ էր գտնվում: Այժմ բանակցություններ են տարվում կառավարության հետ, որպեսզի այս տարվա ընթացքում կենտրոնը տեղակայվի Հանրապետության հրապարակում: Սակայն կոնկրետ պարզ չէ, թե դա երբ կլինի»,- հայտնեց Ազգային մրցունակության հիմնադրամի հասարակայնության հետ կապերի ղեկավար Զառա Ամատունին:

Ի դեպ, Երևանի ինֆորմացիոն կենտրոնի սպասարկման գումարը տարեկան կազմել է 26-28 մլն դրամ: Այժմ կենտրոնը փաստացի գործում է օնլայն տարբերակով` armeniainfo.am կայքում:

Այժմ հիմնադրամի համար առաջնահերթ խնդիրներից է Տաթևի վանքի շրջակայքում ինֆորմացիոն կենտրոնի բացումն է, որը նախատեսվում է այս տարի: «Նորավանք, Ջերմուկ, Տաթևի վանք... այժմ մեր ուժերն ու միջոցներն ուղղված են հարավային միջանցքի զարգացմանը: Սակայն դա չի նշանակում, որ մենք անտեսում ենք մյուս վայրերը»,- ասում է Զառա Ամատունին:

Փորձեցի ճշտել մեր երկիր այցելած օտարերկրացիներից, թե ինչպես են նրանք գտնում ինֆորմացիա նման պայմաններում:

Հայաստանի հյուրերից մեկը հայտնեց, որ եթե իմանար` որտեղ է գտնվում ինֆո կենտրոնը, մեծ հաճույքով կգնար այնտեղ` Հայաստանի մասին ինֆորմացիա գտնելու համար: «Ես օդանավակայանում ձեռք եմ բերել գիրք, որով և առաջնորդվում եմ»,- հայտնեց նա:

«Ինֆո կենտրոնները հիմնականում լինում են կենտրոնական մասերում, օդանավակայանում: Հայաստանի ինֆո կենտրոնը պետք է լինի հենց Հանրապետության հրապարակում, որպեսզի ցանկացած արտասահմանցի կարողանա գտնել անհրաժեշտ ինֆորմացիա: Ընդհանրապես ինֆո կենտրոնները պետք է լինեն, եթե պետությունը ցանկանում է, որ զբոսաշրջիկները բացահայտեն տվյալ երկիրը»,- ասում է հարցվածներից մեկը, ով ընդամենը մի օր է Հայաստանում:

Իսկ Մեծ Բրիտանիայից ժամանած երկու ընկերները, որոնք արդեն մի շաբաթ է Հայաստանում էին, մեր երկրի մասին պատմող գիրք ձեռք էին բերել Վրաստանից. «Չենք գտել ոչ մի ինֆո կենտրոն, բայց այն շատ օգտակար կլիներ մասնավորապես քարտեզների, ինչպես նաև Երևանից դուրս գալու համար»,- ասում է նրանցից մեկը, իսկ ընկերն էլ հավելում է. «Ինֆորմացիան ընդհանրապես շատ կարևոր է, մանավանդ օտար երկրում»: